Xəbər lenti

"Mini Bazar" da 2255 manatlıq oğurluq
Ölkə16:24 07.08.2025

"Mini Bazar" da 2255 manatlıq oğurluq

Google alqoritminə buraxmayın, xəbəri özünüz seçin!Xəbəri Google yox, siz seçin!Əlavə et
Binəqədi rayonunda fəaliyyət göstərən "Mini Bazar” adlı ərzaq mağazasında oğurluq hadisəsi baş verib. 
Qaynarinfo-nun məlumatına görə, mağazanın kassa aparatından 150 manat, piştaxtalarda olan 105 manat dəyərində 3 ədəd "Jack Daniel`s” markalı viski, 630 manat dəyərində 14 qutu "Sobranie” markalı siqaret, 400 manat dəyərində 10 qutu "Kent” markalı siqaret, 520 manat dəyərində 13 qutu "Winston” markalı siqaret, 150 manat dəyərində 5 qutu "Winchester” markalı siqaret, 1 120 manat dəyərində 4 qutu "Pall Mall” markalı siqaret və 180 manat dəyərində 6 qutu "Rothmans” markalı siqaret oğurlanıb. Mağaza sahibinə ümumilikdə 2.255 manat məbləğində maddi ziyan dəyib. 
Əməliyyat-axtarış tədbirləri nəticəsində hadisəni törətməkdə şübhıli bilinən şəxs saxlanılıb. Ona qarşı Cinayət Məcəlləsinin 177.2.3 (Oğurluq - yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) və 177.2.1-ci (Oğurluq - qabaqcadan əlbir olan bir qrup şəxs tərəfindən törədildikdə) maddələri ilə ittiham elan edilib. 
Cinayət işinə Binəqədi Rayon Məhkəməsində baxılıb. 
Təqsirləndirilən şəxsə 1 il 3 ay müddətinə azadlığın məhdudlaşdırılması cəzası təyin edilib. Onun şübhəli şəxs qismində saxlanıldığı və həbsdə olduğu ümumilikdə 4  ay 28 gün müddət bir günə iki gün hesabı ilə təyin olunmuş cəzadan çıxılıb və üzərində qəti olaraq 5 ay 4 gün müddətinə azadlığın məhdudlaşdırılması cəzası saxlanılıb.
Seyid