Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Narkobaronun oğlu ayrıldığı sevgilisini canlı yayım zamanı öldütdürməkdə ittiham olunur
Meksikada prokurorluq 2025-ci ilin mayında canlı yayım zamanı qətlə yetirilən gözəllik bloqeri Valeriya Markesin öldürülməsinin təşkilində "Jalisco Yeni Nəsil" (CJNG) narkokartelinin yüksək vəzifəli üzvlərindən biri Ramon Anxel Alvares Ayalanı ittiham edir.
Qaynarinfo xəbər verir ki, bu barədə "Daily Mail" Meksika hakimiyyət orqanlarına istinadən məlumat yayıb.
23 yaşlı Valeriya Markes öz gözəllik salonundan izləyiciləri ilə canlı yayım apararkən naməlum şəxs içəri daxil olaraq ona atəş açıb.
İstintaqın məlumatına görə, Ramon Anxel Alvares Ayala "El R1" ləqəbi ilə tanınır və Meksikanın ən güclü cinayətkar qruplarından hesab olunan "Jalisco Yeni Nəsil" kartelinin rəhbər şəxslərindən biridir. O, iyulun 30-da avtomobil təqibindən sonra saxlanılıb. Təqib zamanı onun mühafizəçisi öldürülüb.
Meksikanın təhlükəsizlik naziri Omar Qarsiya Harfuçun sözlərinə görə, "El R1"in oğlu Fransisko Alvares münasibətlərinin başa çatmasından sonra atasından Valeriya Markesə qarşı sui-qəsd təşkil etməsini istəyib.
İstintaq materiallarında bildirilir ki, kartel rəhbəri qatilə kuryer kimi özünü təqdim edərək Markesin salonuna daxil olmağı tapşırıb. Şübhəli əvvəlcə bloqerin adını çəkərək şəxsiyyətini təsdiqləməsini istəyib. Markes ona tərəf çevrilən kimi qatil ona üç dəfə atəş açıb. Hazırda həm Fransisko Alvares, həm də qətli törətməkdə şübhəli bilinən şəxs azadlıqdadır.
Markesin izləyiciləri qətli canlı yayım zamanı izləyiblər. Kadrlarda bloqerin salonun pəncərəsinə tərəf baxdığı, daha sonra isə sinə və baş nahiyəsindən güllə yaraları aldığı görünür.
Hadisədən bir neçə saat əvvəl Valeriya Markes sosial şəbəkədə maskalı bir kuryerin ona bahalı hədiyyə çatdırmağa çalışdığını və bunun mümkün sui-qəsdin əlaməti ola biləcəyini demişdi. O, həmçinin həyatına təhlükə ilə bağlı təhdidlər aldığını bildirərək, keçmiş sevgilisinin özünə və ailəsinə baş verə biləcək hər hansı hadisəyə görə məsuliyyət daşımalı olduğunu qeyd etmişdi.
Qeyd edək ki, istintaq davam edir və irəli sürülən ittihamlar məhkəmə tərəfindən hələ təsdiqlənməyib.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər