"Putinin piyadası” Ramzan Kadırov başa düşür ki, Çeçenistanın yarısı onun təbii düşməni kimidir. Ciddi çeçenlər onu məhv etmək istəyirlər”.
Qaynarinfo xəbər verir ki, bu barədə FreeDom kanalında rusiyalı müxalif siyasətçi Gennadi Qudkov məlumat verib.
Onun sözlərinə görə, Kadırov Çeçenistanda hərbi xunta diktaturası yaradıb. Təəccüblü deyil ki, çeçenlər tez-tez Avropadan siyasi sığınacaq istəyirlər.
Kadırovun istefaya eyham vuran son bəyanatını şərh edən Qudkov qeyd edib ki, o, Kremlin onunla nə etməyi planlaşdırdığını dəqiq başa düşmür.
"Mən başa düşmürəm ki, onunla bağlı nə etmək istəyirlər. Yəqin ki, onlar istəyir ki, Moskvada, Leninski prospektində, tez-tez "razborkalar” təşkil etdikləri yerdə kimsə onu vursun. Düşünürəm ki, vəzifədən başqa onu nəyinsə xilas etməsi mümkün deyil. Milli Qvardiyada... o da uzun müddətlik deyil”, - Qudkov bildirib.
Siyasətçi etiraf edib ki, o, Kadırovun eyhamlarını həmkarları ilə müzakirə eləyib. Onlar belə qənaətə gəliblər ki, "o, ancaq Çeçenistanın başçısı kimi öz həyatını xilas edə bilər”, o da ancaq bir müddət – "sistem dağılana qədər”.
"Mən çoxlu, ciddi çeçen tanıyıram. Onlar quldur deyil, siyasi elitadandırlar. Onlar deyirlər: "O, bizim xalqımıza, insanlarımızın başına gətirdiyi bütün pisliklərə görə onu sağ qoymayacağıq... Biz özümüz tezliklə özümüz onu aradan götürəcəyik”, - Qudkov deyib.
Siyasətçi qeyd edib ki, nüfuzlu və tanınmış adları olan şəxslər "hakimiyyətdən gedəcəyi təqdirdə Kadırov üçün ən kiçik şans belə buraxmayacaqlar”.
Qudkov Kadırovun bütün işğal olunmuş Ukrayna ərazilərinin Qauleyter vəzifəsinə təyin ediləcəyinə inanmır, çünki o, Ukrayna Silahlı Qüvvələri üçün 1 nömrəli hədəfə çevriləcək. İnanmıram ki, Milli Qvardiyada onun üçün xüsusi vəzifə hazırlanır. Siyasətçinin fikrincə, Kadırovun istefa eyhamları olan bəyanatları Çeçenistanda "Putin, Ramzanı bizə qaytar” çağırışları ilə saxta mitinqlərə səbəb ola bilər.
