Almaniya kansleri Olaf Şolts hesab edir ki, dünyanın ən böyük iqtisadiyyatlarının liderlərinin İndoneziyanın Bali adasında keçirilən sammitinin nəticəsi Rusiya prezidenti Vladimir Putinin dünyada artıq dəstəklənməməsidir.
Bu barədə Qaynarinfo Şoltsun Twitter-dəki bəyanatına istinadən xəbər verir.
"Rusiya prezidenti Putin dünyada demək olar ki, təkdir. Onun güclü müttəfiqləri yoxdur. Bu, G20 sammitinin uğurlu nəticələrinin ən mühüm nəticəsidir", - o yazıb.
Bununla yanaşı, Şolts Putinin Ukraynaya qarşı müharibəsini eyni məcrada və hava zərbələrinin köməyi ilə davam etdirməsini qəbuledilməz hesab edir.
Xatırladaq ki, G20-nin ən böyük iqtisadiyyatlarının liderləri Rusiyanın Ukraynaya qarşı təcavüzünü "ən sərt şəkildə pislədiklərini” ifadə edən bəyanat
yayıblar.
Nizami Bağırov
