Şotlandiya müstəqilliklə bağlı ikinci referendum üçün müraciət etdi

Qaynarinfo xəbər verir ki, bu barədə AP məlumat yayıb.

Şotlandiyanın birinci naziri Nikola Stercen iyun ayında müvafiq referendum keçirmək niyyətində olduğunu açıqlayıb. Daha sonra 19 oktyabr 2023-cü il tarixini iradənin ifadə günü adlandırıb.

Bundan əlavə, siyasətçi bildirib ki, o, Şotlandiyanın baş hüquqşünasına referendumun keçirilməsi üçün Böyük Britaniya Ali Məhkəməsinə müraciət göndərilməsi xahişi ilə müraciət edib.

Şotlandiya 1999-cu ildə Böyük Britaniya daxilində öz parlamentini və hökumətini əldə edib. 2007-ci ildə Şotlandiya Milli Partiyası yerli seçkilərdə qalib gəldi və müstəqillik ideyasını təbliğ etməyə başladı. Bundan sonra müstəqillik əldə edilməsi üçün referendum keçirmək qərarına gəldilər və Britaniya hökuməti bununla razılaşdı. Referendum 2014-cü ilin payızında keçirildi - şotlandların 55%-i müstəqilliyin əleyhinə səs verdilər.

Ancaq indi Stercen ikinci referendumun keçirilməsini tələb edir, çünki 2014-cü ildən sonra vəziyyət Böyük Britaniyanın Aİ-dən çıxması səbəbindən əhəmiyyətli dərəcədə dəyişib, Şotlandların 62%-i isə Aİ-də qalmağa səs verib.