Yuliya Timoşenkonun “sağ əli” Aleksandr Turçinov Ali Radanın sədri seçilib
Ukrayna müxalifətinin tanınmış simalarından olan Aleksandr Turçinov Ali Radanın sədri seçilib.
APA-nın Ukrayna xəbər agentliklərinə istinadən verdiyi məlumata görə, parlamentin bu gün keçirilən iclasında sədr Vladimir Rıbakın istefası qəbul edilib. Keçirilən səsvermə nəticəsində A. Turçinov 288 səs alaraq, parlamentin sədri seçilib.
Qeyd edək ki, 1964-cü il təvəllüdlü A.Turçinov Yuliya Timoşenkonun rəhbərlik etdiyi “Batkivşina” (Vətən) Partiyasının liderlərindən biridir. O, Y. Timoşenkoya ən yaxın şəxslərdən biridir və onun “sağ əli” sayılır.
Qaynar.info
