Uşaqlar vəhşi pişiklərlə oynayırlar, çimirlər və əlləri ilə onları yedirirlər Dünya Braziliyanın Parana ştatında yaşayan ailələrdən birinin çox orijinal ailə tərkibi var: ər, arvad, iki qız, nəvə və yeddi pələng.
ANS PRESS-in Rusiya mətbuatına istinadən verdiyi xəbərə görə, bu təəccüblü tarix 2005-ci ildən başlayıb. Həmin vaxt Ari Borjes adlı şəxs yerli sirklərin birində vəhşicəsinə istismar olunan iki pələngi ölümdən xilas etmişdi. Heyvanları evinə gətirən Borjes,onlara qulluq etməyə başlayır. Pələnglərin yeni körpələri dünyaya gəlincə, ailə bir yerdə məsləhətləşərək, heyvanların evdə qalmasına razılıq verir.
