Rusiya Federasiyası Ukraynada gərginliyin azaldılması məsələlərini müzakirə etməyə hazırdır, bir şərtlə ki, ABŞ Rusiyanın təhlükəsizlik təminatı ilə bağlı təkliflərinə cavab versin.
Qaynarinfo xəbər verir ki, bu barədə Vladimir Putinin mətbuat katibi Dmitri Peskov RBK-ya istinadən məlumat verib.
Hərbi texnikanın Ukrayna ilə sərhədə çəkilməsi ilə bağlı Bloomberg-in məqaləsinə gəlincə, Rusiya bunu "öz ərazisində etmək" hüququna malikdir, eyni zamanda başqa ölkələr kimi "öz təhlükəsizliklərini təmin etmək üçün müəyyən tədbirlər görməyə" məcbur olaraq "birmənalı təlimlər keçirir".
"Rusiya ilə NATO arasında gərgin münasibətlərə gəlincə, Peskovun fikrincə, alyansın bəzi ölkələri vəziyyəti normallaşdırmağa kömək edə bilər”, - bu, Türkiyə xarici işlər naziri Mövlud Çavuşoğlunun Rusiya ilə Ukrayna arasında mürəkkəb münasibətlər və NATO kontekstindən kənarda qala bilməyən Ankara ilə bağlı son açıqlaması barədə sualın cavabı olub.
Peskov ehtimal edir ki, ABŞ öz müttəfiqi və NATO üzvlərindən biri olan Türkiyə ilə məsləhətləşmələr apara bilər. Ümumilikdə NATO Rusiyaya qarşı qeyri-dost mövqe tutsa da, alyansın ayrı-ayrı üzv dövlətlərinin bu məsələdə öz fikirləri ola bilər. "Elə ölkələr var ki, əksinə, dialoqun davam etdirilməsi və bütün problemlərin diplomatik yollarla həlli siyasətini ardıcıl olaraq həyata keçirir və Rusiya Federasiyasının real narahatlığını nəzərə almağa meyllidirlər, - o əlavə edib. - Təbii ki, belə ölkələr bu prosesə müsbət töhfə verə bilərlər”.
Alpər
