Bu gün Portuqaliyada parlament seçkiləri keçirilir.
Qaynarinfo Euronews-a istinadən xəbər verir ki, seçkilərdə 20-dən çox siyasi partiya mübarizə aparır.
Seçkinin favoriti Sosialistlər hesab edilir. Ölkədə sonuncu seçkilər 2015-ci ildə baş tutub və Sosialist Demokratlar Partiyası (89 yer) ilə Sosialist Partiya (86 yer) parlamentdə çoxluğu əldə edə bilib. Hazırda hökumətə rəhbərliyi Sosialist Partiyanın lideri Antonio Kosta edir.
Qeyd edək ki, Portuqaliyada 1974-cü ildən bəri iki partiya hökumətin tərkibində əsas yerləri tutur.
