İspaniya mətbuatı ilk dəfə Arda Turanın "Barselona"dan alacağı illik qazancını açıqlayıb. Qaynar.info xəbər verir ki, Türkiyə yığmasının üzvü ilinə 8 milyon avro alacaq. Ancaq bu məbləğ qələbəyə görə verilən mükafatlarla birlikdə 11 milyon avroya qədər qalxa biləcək.
Madrid "Atletiko"sunun 41 milyon avroya "Barselona"ya satdığı Arda Turanın özünə bu məbləğdən 4 milyon avro qalacağı da bildirilir. Çünki Arda bu pulun təxminən yarısını İspaniya hökuməti üçün vergilərə verməli olacaq. Belə ki, İspaniyada bu il qəbul edilən qanuna görə, 1 milyon avrodan çox pul qazanan futbolçular aldığı məbləğin yarısını vergi orqanlarına ödəməlidir.
Arda Turan bütün mövsüm boyu oyunların 60 faizində iştirak edərsə, əlavə 1 milyon avro pul da alacaq. "Barselona" Çempionlar Liqası və İspaniya çempionluğunu qazandığı halda isə, bu məbləğ daha 1 milyon avro artacaq. Beləliklə, onun cibinə gedən məbləğ 6 milyon avroya çatacaq.
Qeyd edək ki, Arda Turanın maaşı Messi, Neymar, Luis Suares və Andres İnyestanınkından çox aşağı olsa da, təxminən xorvatiyalı İvan Rakitiçinki ilə eynidir. Ancaq FİFA-nın "Barselona"ya verdiyi cəza üzündən Ardanın yanvardan etibarən yeni komandasında oynaya biləcəyini nəzərə alsaq, onun bu il klubunda qazanacağı əlavə pullardan məhrum olduğu görünür.
Qaynar.info
