Rusiya ABŞ-ın, qeyri-rəsmi şəkildə çatdırdığı strateji sabitlik və silahlara nəzarətlə bağlı təkliflərini öyrənir.
Qaynarinfo Kommersant-a istinadən xəbər verir ki, bunu Rusiya xarici işlər nazirinin müavini Sergey Ryabkov
deyib.
"Bu doğrudur. Non-paper formasında. Yəni, kağız üzərində, lakin qeyri-rəsmi qeydlər şəklində”, - Rusiyanın ABŞ-dan strateji sabitliyə dair təkliflər alması ilə bağlı jurnalistlərin sualını cavablandıran Sergey Ryabkov bildirib.
İndi Rusiya XİN rəhbərinin müavininin sözlərinə görə, ABŞ-ın təklifləri öyrənilir. "Orada yenilik yoxdur, məlum mövqedir, sadəcə bir yerə yığılıb. Biz sakitcə öyrənirik və lazımi vaxtda amerikalılara cavab verəcəyik. Hansı formada olduğunu söyləmək hələ tezdir”, - o əlavə edib.
Xatırladaq ki, fevralın 21-də Rusiya ABŞ-ı sazişin əsas müddəalarına əməl etməməkdə suçlayaraq, Strateji Hücum Silahları Müqaviləsində (START) iştirakını dayandırıb. Vaşinqton qərarı hüquqi cəhətdən etibarsız hesab edib.
Nizami Bağırov
