"Soyuz-2.1b” daşıyıcı raketi, demək olar ki, son 50 ildə ilk dəfə Rusiyanın "Luna-25” stansiyası ilə "Vostoçnı” kosmodromundan buraxılıb.
Qaynarinfo
xəbər verir ki, "Roskosmos”un rəhbəri Yuri Borisovun bildirdiyinə görə, stansiyanın Aya enişi avqustun 21-də gözlənilir və Ayın cənub qütb bölgəsindəki, Boquslavski kraterinin şimalındakı ərazi eniş yerinə çevriləcək.
Borisov qeyd edib ki, səhər saat 2:20-də buraxılışdan sonra Aya eniş aparatının yerləşdiyi yuxarı pillə daşıyıcı raketin üçüncü pilləsindən ayrılıb. Stansiya yumşaq eniş üçün hazırlaşaraq orbitdə üç-yeddi gün keçirəcək. Enişdən sonra "Luna-25” elmi tədqiqatlar aparacaq. İş müddəti bir il üçün hesablanır.
Stansiyanın göyərtəsində Ay reqolitini və ekzosferi öyrənmək üçün nəzərdə tutulmuş təxminən 31 kq elmi avadanlıq var. Belə ki, stansiyada torpağı qazmağa və ondan nümunələr götürməyə qadir olan Ay manipulyatoru var.
Əvvəlki Luna 24 missiyası 1976-cı ildə göndərilib və yerə 170 qr Ay torpağı çatdırıb. Eyni zamanda, Ay qütbünə hazırkı ekspedisiya birincidir: bütün sovet Ay stansiyaları ekvator zonasına enib.
Alpər
