Rusiya Federasiyası Baxmut istiqamətində və Luqansk vilayətinin qərb hissəsində "həlledici hücum” həyata keçirmək üçün hərbi texnika və canlı qüvvəni cəmləşdirir.
Qaynarinfo xəbər verir ki, bu barədə Amerika Müharibənin Tədqiqi İnstitutunun (ISW) hesabatında
deyilir.
Ekspertlərin fikrincə, rus işğalçılarının Zaporojyeni hədəf alması ehtimalı azdır:
"Rusiya eyni vaxtda Donetsk vilayətinin inzibati sərhədlərinə çatmaq və Zaporojye şəhərini ələ keçirmək üçün lazım olan çoxsaylı iri hücum əməliyyatlarına tab gətirmək qabiliyyətini nümayiş etdirməyib".
Fevralın 4-də axşam Ukrayna Silahlı Qüvvələrinin Baş Qərargahı bildirib ki, ruslar əsas səylərini Avdeyevski, Baxmut, Limanski, Novopavlovski və Kupyanski istiqamətlərində hücum əməliyyatları keçirməyə cəmləyiblər. Hücum zamanı ruslar çox ciddi itkilər verirlər.
Hərbi-siyasi müşahidəçi Aleksandr Kovalenko hesab edir ki, düşmənin Zaporojye qruplaşması Luqansk və ya Donetsk qruplaşmasından qat-qat zəif və müdafiəsizdir, ona görə də Rusiyanın Zaporojyeyə hücum planı yalnız uğursuzluqla nəticələnə bilər.
Bundan əvvəl Ukrayna Müdafiə Nazirliyinin Baş Kəşfiyyat İdarəsi xəbərdarlıq etmişdi ki, yazda və yayın əvvəlində Rusiyanın yeni böyük hücumu mümkündür.
Yanvarda Ukrayna Silahlı Qüvvələrinin Baş Qərargahı məlumat vermişdi ki, tezliklə düşmən Donetsk vilayətinin inzibati sərhədinə çatmağa və Zaporojye vilayətinin sol sahil hissəsini tutmağa çalışacaq.
Aydın
