Rusiya kəskin mərmi çatışmazlığı səbəbindən İrandan yeni dron və ballistik raketlər partiyası sifariş edib.
Qaynarinfo xəbər verir ki, bu barədə DPA agentliyi BMT-nin Nyu-Yorkdakı mənzil-qərargahındakı mənbəyə istinadən
yazır.
"Biz bilirik ki, İran Rusiyaya pilotsuz uçuş aparatların və raketlərin tədarükünü əhəmiyyətli dərəcədə artırmağı planlaşdırır”, - deyən mənbə əlavə edib ki, söhbət yüzlərlə raket və drondan gedir: "Artıq göndərildiklərini düşünmürəm, lakin onlar mütləq sifariş siyahısındadırlar".
Bundan əvvəl İran Ukraynada enerji infrastrukturu obyektlərinə zərbələr endirmək üçün istifadə etdiyi "Şahed-136” kamikadze pilotsuz uçuş aparatlarının bir neçə partiyasını Rusiya ordusuna tədarük edib. İranın PUA-ları ilk dəfə Ukrayna səmasında avqustun 16-da peyda olub və ən çox hücumlar oktyabrın 10-dan noyabrın 17-si arasında müşahidə edilib. Həmin zaman kəsiyində 400-ə yaxın PUA vurulub. Bundan sonra Britaniya kəşfiyyatı Rusiyanın pilotsuz uçuş aparatlarının tükəndiyi barədə məlumat yayıb.
Lakin dekabrın 7-nə keçən gecə üç həftəlik sakitlikdən sonra Rusiya ordusu yenidən İranın pilotsuz uçuş aparatlarını Ukraynaya göndərib. Ukrayna Silahlı Qüvvələri Baş Qərargahının hesabatına görə, ümumilikdə 14 PUA vurulub. Onlardan 8-i Dnepropetrovsk vilayəti ərazisində məhv edilib.
Nizami Bağırov
Şərhlər