Almaniya kansleri Olaf Şolts Kişinyova səfəri zamanı Rusiyanın Moldovada sabitliyi pozmağa çalışdığını və Moldova prezidenti Maya Sandunu dəstəklədiyini bildirib.
Qaynarinfo xəbər verir ki, o, bu barədə X sosial şəbəkəsində yazıb.
"Biz bilirik ki, Rusiya və rusiyayönlü oyunçular ölkədə sabitliyi pozmağa çalışırlar. Buna görə də, Kişinyovda bu gün əsas mesaj: Biz sizinləyik, əziz Maya Sandu”, - Şolts yazıb.
Şolts əlavə edib ki, Moldova da Rusiyanın Ukraynaya təcavüzündən və onun nəticələrindən əziyyət çəkir.
Xatırladaq ki, avqustun 1-də Moldovada prezident seçkiləri kampaniyası rəsmən başlayıb. Ölkədə seçkilər oktyabrın 20-də keçiriləcək.
Avqustun 7-də Moldova Mərkəzi Seçki Komissiyası Rusiya yönlü "Qələbə” blokunu prezident seçkilərində və referendumda iştirak etmək üçün qeydə almaqdan imtina edib.
Nizami Bağırov
