Dekabr ayından Avropa embarqosu altında olan Rusiya neft bazarı 2023-cü ili yeni qiymət enişi ilə qarşılayıb. İxracın demək olar ki, üçdə ikisini təşkil edən Rusiya neft şirkətlərinin əsas brendi olan Urals neftinin qiyməti yanvarın 6-da cümə günü bir barel üçün 40 dollardan aşağı düşüb.
Baltik dənizindəki Primorsk limanından göndərilən yüklərin bir barelinin qiyməti 38,7 dollar təşkil edir ki, bu da 2020-ci ilin yazından bəri antirekorddur.
Qaynarinfo xəbər verir ki, bu barədə "Bloomberg” "Argus” qiymətləndirmə agentliyinin məlumatlarına istinadən
yazır.
İlin əvvəlindən Urals təxminən 10% ucuzlaşıb. Onun hazırkı kotirovkaları artıq Brentdən (həmin tarixə 78,57 dollar) iki dəfə aşağıdır və G7 ölkələrinin bir barel üçün 60 dollar olaraq təyin etdiyi qiymət tavanından 33% aşağıdır.
Nizami Bağırov
