Qostomeldəki döyüşlər zamanı rus işğalçıları aerodromların və hava limanlarının ələ keçirilməsi zamanı 200 elit mütəxəssisini itirib.
Qaynarinfo
xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin (QUR) kəşfiyyatçısı, xüsusi təyinatlı dəstənin komandiri danışıb. Kiyev uğrunda döyüşdə iştirak etmiş hərbçinin qeyd etdiyi kimi, işğalçılar Qostomelə qoşun çıxarmaq və Antonov aerodromunu tutmaq niyyətində olublar.
Kəşfiyyatçı ətraflı məlumat verib ki, Kremlin planına görə, Kiyev yaxınlığındakı bu aerodrom Ukraynanın paytaxtının işğalı üçün nəqliyyat təyyarələri ilə texnikanın və canlı qüvvənin sürətlə ötürülməsi üçün əsas mərkəz rolunu oynamalı imiş.
"Görünür, ruslar 1999-cu il iyunun 12-də Kosovoda "Priştina atışı” zamanı olduğu kimi, aerodromun ələ keçirilməsi senarisini təkrarlayacaqlarını düşünürdülər. Onlar güman edirdilər ki, Qostomeldə də 2022-ci il yanvarın əvvəlində Qazaxıstanda baş verən hadisələrdə olduğu kimi aerodromun ələ keçirilməsi senarisini təkrarlayacaqlar. Onlar özlərinə o qədər arxayın idilər ki, ukraynalılarla üzləşdiklərini dərk etmirdilər”, - Ukrayna Qəhrəmanı vurğulayıb.
Kəşfiyyatçı izah edib ki, QUR-un xüsusi təyinatlı dəstələrinin və Dövlət Təhlükəsizlik və Müdafiə Qoşunlarının Qostomeldəki digər bölmələrinin hərəkətləri düşmənin mümkün qədər çox canlı qüvvəsini və əmlakını məhv etmək və aerodromun ələ keçirilməsinin qarşısını almaq məqsədi daşıyır.
Şiddətli döyüşlər nəticəsində aerodromda uçuş-enmə zolaqları hərbi personal və texnika daşıyan Rusiya nəqliyyat təyyarələrini qəbul etmək üçün yararsız hala düşüb. Düşmən xeyli itki verib.
"Antonov aerodromu uğrunda gedən döyüşlərdə təcavüzkar dövlət onilliklər ərzində bu tip hərbi təlimlərdə iştirak edən aerodrom və hava limanlarının ələ keçirilməsində 200-ə yaxın elit döyüş mütəxəssisini itirib", - Baş Kəşfiyyat İdarəsinin nümayəndəsi bildirib.
Alpər
