Son bir neçə gün ərzində Belarusda Rusiyanın İl-76 hərbi-nəqliyyat təyyarəsinin 8 uçuşu qeydə alınıb. Noyabrın 11-də onlar Maçulişşi aerodromunda yüklərin boşaldılması üçün nəzərdə tutulmuş müddətdən çox qalıblar.
Qaynarinfo "Belaruski Qayun”a istinadla
xəbər verir ki, Rusiyanın İl-76 təyyarələrinin gəlişinin üç versiyası var. Bu, Belarusa yeni raketlərin idxalı və ya onların Rusiyaya ixracı ola bilər. Üçüncü varianta görə - müxtəlif növ silahların eyni vaxtda idxalı və ixracı.
Analitiklər daha çox ikinci varianta - Rusiyaya raket daşınması fikrinə meyllidirlər. Bu, təyyarələrin Maçulişşidə qaldığı vaxta görə əsas götürülür. Həmçinin qeyd edilir ki, noyabrın 9 və 10-da aerodrom istiqamətində S-300/400 hava hücumundan müdafiə sistemləri altında raketlər üçün konteynerlər olan ən azı 16 trol (hər biri 4 raket konteyneri) qeydə alınıb - ən azı 64 raket.
Raketlər Rostov vilayətindəki Millerovo və Rostov-na-Don-Sentralnı aerodromlarına, Moskva vilayətindəki Çkalovski aerodromuna və Bryansk vilayətindəki Sesça aerodromuna daşınır.
Analitiklər hesab edirlər ki, bu raketlər Luqansk və Donetsk istiqamətində işğalçıları təchiz edəcək.
Yüksək dəqiqlikli raketlərin çatışmazlığı səbəbindən Rusiya yazda Ukraynanın mülki infrastruktura zərbələr endirmək üçün S-300 hava hücumundan müdafiə sistemləri üçün köhnə mərmilərdən aktiv şəkildə istifadə etməyə başlayıb.
Radar işıqlandırması olmadan S-300-ün sapması 100 m və ya daha çox ola bilər.
Atış zamanı bu cür raketlər trayektoriyasını dəyişə bilər, buna görə də onların məskunlaşan ərazilərə yaxınlaşması zamanı məhv edilməsi çətin olaraq qalır.
Cəbhə xəttində yerləşən şəhər və kəndlər daha çox əziyyət çəkir, çünki belə raketlərin atış məsafəsi ballistik hədəfə qarşı 40 km-ə qədərdir. Lukaşenko rejiminin işğalçı qoşunlara silah və sursat tədarükü ilə bağlı çoxlu məlumatlar var.
Ukrayna Müdafiə Nazirliyinin hesablamalarına görə, S-300 raketləri Rusiyaya üç il bəs edəcək qədər mövcuddur.
Alpər
