Krım körpüsündə baş verən partlayış, Ukraynadakı işğalçı qoşunların uğursuzluqları və səfərbərliklə bağlı problemlər Rusiya prezidenti Vladimir Putinin radikal hərəkətlərin tərəfdarlarının birbaşa tənqidinə səbəb olub.
Qaynarinfo xəbər verir ki, bu barədə Müharibənin Öyrənilməsi İnstitutu (ISW) məlumat
yayıb.
Analitiklərin fikrincə, hərbi reportyorlar Putini və Kremli mühüm hadisələrə reaksiya vermədiklərinə görə tənqid ediblər. Onlar qeyd edirlər ki, prezidentin hökuməti məxfiliyə arxalananda onun ətrafında toplaşmaq çətindir.
Digər tənqidçilər Putinin müharibədəki bir sıra uğursuzluqları, xüsusən də "Moskva” kreyserinin batmasını ardıcıl olaraq gözdən qaçırmasından qəzəblənirlər.
Eyni zamanda, hərbi əməliyyatların davam etməsi tərəfdarları Kerç boğazı üzərindən körpüdə baş verən partlayışa görə qisas alınmasını tələb edirlər, əks halda Putinin susması "zəiflik” kimi qəbul olunacaq.
Onlar həmçinin Krım körpüsünə hücumun "qırmızı xətt” olacağını deyən Rusiya Təhlükəsizlik Şurasının sədr müavini Dmitri Medvedevin susqunluğunu tənqid edirlər.
Ekspertlər yazır ki, hərbiyönlü düşərgənin tənqidi Putinin Ukraynanın "denazifikasiyası” kimi vəd etdiyi məqsədi yerinə yetirmək qabiliyyətinə dair artan şübhələrə işarə edə bilər və onun əsas seçki dairəsi arasında cəlbediciliyi sarsıda bilər.
Xatırladaq ki, bu gün Rusiya Kiyevin mərkəzi də daxil olmaqla Ukraynanın bütün materik hissəsinə raket zərbələri endirir.
Alpər
