Rusiyanın Pskov şəhəri yaxınlığında hələlik müəyyən olunmayan qurğunun partlaması nəticəsində 6 hərbçi həlak olub, 2 nəfər isə yaralanıb.
APA-nın “RİA Novosti”yə istinadən verdiyi xəbərə görə, bu barədə Rusiya Müdafiə Nazirliyinin açıqlamasında deyilir.
Qeyd edək ki, insident Pskov vilayətinin Struqi Krasnıye yaşayış məntəqəsində yerləşən 714-cü poliqonda, Hərbi Hava-Desant Qoşunlarının hərbçiləri təlim atışından qayıdarkən baş verib.
Mənbənin məlumatına görə, hərbi sursatın partlaması nəticəsində ölənlərdən 5-i Ryazan ali hava-desant hərbi məktəbinin kursantları, 1 nəfər isə kontrakt əsasında qulluq çəkən hərbçi olub.
Hadisə yerinə Rusiya Hərbi Hava-Desant Qoşunlarının komandanı Vladimir Şamanov gəlib.
Qaynar.info
