Rusiya Mərkəzi Bankı ötən il beynəlxalq pul transferi sistemi olan SWIFT-ə edilən haker hücumu nəticəsində sistemdən 6 milyon dollar oğurlandığını açıqlayıb.
Qaynarinfo xarici KİV-ə istinadən xəbər verir ki, bu barədə Rusiya Mərkəzi Bankının Rusiya banklarına qarşı həyata keçirilən oğurluqlar adlı hesabatında bildirilib.
Hadisənin kimlər tərəfindən törədildiyi məlum olmayıb. SWIFT sisteminin sözçüsü Nataşa de Teran məsələyə münasibət bildirməkdən imtina edib.
Qeyd edək ki, hakerlər dekabrda Rusiyanın dövlət bankı olan Globex-dən 55 milyon rubl oğurlanmağa çalışıblar. 2016-cı ilin fevralında isə Banqladeş Bankından 81 milyon dollar oğurlanıb.
