Rusiyanın valyuta ehtiyatı bir həftədə $4,3 milyard azalıb.
Rusiyanın beynəlxalq maliyyə ehtiyatının həcmi sentyabrın 5-dən 12-dək olan müddətdə $464,2 milyarddan $459,9 milyarda düşüb, yəni $4,3 milyard azalıb.
Qaynar.info-nun Musavat.com-a istinadən məlumatına görə, bu barədə Rusiya Bankının mətbuat xidmətinin yaydığı açıqlamada deyilir.
Xatırladaq ki, ondan bir həftə öncə valyuta ehtiyatları $1,6 milyard, ona kimi $300 milyon, daha əvvəl isə $2,5 milyard azalıb. 2014-cü il yanvarın 1-ə olan məlumata görə, ehtiyatların həcmi $509,595 milyard təşkil edib.
Bu ilim may ayı ərzində Rusiyanın beynəlxalq ehtiyatları 1,1% azalaraq 1 iyun 2014-cü ilə $467,227 milyarda enib.
Qaynar.info
