Dünya 15:51 15.07.2023

Saakaşvili əfv olunacaq? - Eks-prezidentin vəkilindən açıqlama

"Gürcüstan hakimiyyəti çətin ki, Ukrayna Ali Radasının vətənində həbsdə olan keçmiş prezidenti Mixeil Saakaşvili ilə bağlı çağırışına məhəl qoysun".

Qaynarinfo xəbər verir ki, bunu siyasətçinin vəkili Şalva Xaçapuridze bildirib. 

Onun sözlərinə görə, söhbət Ukrayna parlamentinin Gürcüstan lideri Salome Zurabişviliyə sələfinin əfv olunması tələbi ilə müraciətindən gedir.

"Hesab edirəm ki, Gürcüstan hökuməti, təəssüf ki, bu çağırışa o qədər də diqqət yetirməyəcək. Avropa Parlamenti Saakaşvilinin siyasi məhbus olması ilə bağlı qətnamə qəbul edəndə bizim təcrübəmiz oldu. Hökumət buna heç bir reaksiya vermədi, əksinə, istehza, aqressiv bəyanatlar səsləndi, bu halda da belə olacaq”, deyə Xaçapuridze qeyd edib.

O, həmçinin əlavə edib ki, bu vəziyyət Saakaşvilinin azad edilməsi uğrunda mübarizənin dayandırılması demək deyil. Xaçapuridze vurğulayıb ki, sona qədər mübarizə aparmağa dəyər və nəticə olacaq.

Saakaşvili ona qarşı bir sıra cinayət işlərinin açılmasına baxmayaraq, 2021-ci ilin payızının ortalarında vətəninə qayıdıb. Nəticədə Gürcüstanın eks-prezidenti həbs edilib. Saakaşvili özü həbsini siyasi qərar adlandırıb və aclıq aksiyasına başlayıb. Daha sonra eks-prezidentin səhhəti ciddi şəkildə pisləşib, 2022-ci ilin mayında müayinə olunmaq üçün həbsxanadan paytaxtdakı klinikaya köçürülüb. Siyasətçinin vəziyyəti fonunda Avropanın müxtəlif ölkələri və vətəndaşlığı olan Ukrayna onun müalicə üçün xaricə köçürülməsini tələb edib. 2023-cü il iyulun əvvəlində məhkəmə iclasında Saakaşvilinin çox arıqlamış vəziyyətdə görüntüləri yayılıb. Buna cavab olaraq Kiyev Gürcüstan səfirinə zəng edərək ondan Tiflisə qayıtmasını tələb edərək, gürcü tərəfini eks-prezidentin müalicəsinə şərait yaratmağa çağırıb.

Aydın