Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
13:10
Sabah hava necə olacaq?
Saç tökülməsinin qarşısını almaq üçün nə yemək lazımdır?
Gündəlik qidalanma təkcə ümumi sağlamlığa deyil, həm də saçların vəziyyətinə ciddi təsir göstərir.
Qaynarinfo xəbər verir ki, "Daily Mail"in yazdığına görə, genetika saç tökülməsində mühüm rol oynasa da, düzgün və balanslı pəhriz bu prosesi əhəmiyyətli dərəcədə yavaşlada bilər.
Dermatoloq Elli Raşid bildirib ki, vacib qida maddələrinin çatışmazlığı saçların kövrəkləşməsinə, zəif böyüməsinə və hətta tökülməsinə səbəb ola bilər. Məsələn, dəmir çatışmazlığı saç böyüməsini yavaşıdır, D vitamini çatışmazlığı isə onların nazikləşməsi ilə əlaqələndirilir.
Ən çox rast gəlinən səbəblərdən biri genetik və hormonal amillərlə bağlı tipik keçəllikdir. Digər səbəb isə immunitetin saç follikullarına hücum etdiyi alopesiya xəstəliyidir. Raşidə görə, hər iki halda da qidalanma mühüm rol oynayır.
Hansı qidalar saçlara faydalıdır?
Həkimlər saç sağlamlığı üçün qanda dəmir, sink, D vitamini və fol turşusunun səviyyəsini yoxlatmağı və balanslı pəhrizə üstünlük verməyi məsləhət görürlər. Dəmir ehtiyatını artırmaq üçün qırmızı ət, mərcimək, yaşıl yarpaqlı tərəvəzlər faydalıdır. D vitamini günəş işığı və əlavələrlə, sink isə balqabaq və küncüt toxumu kimi məhsullarla təmin oluna bilər.
Ən faydalı məhsullardan biri isə yumurtadır. Onlar saçların əsas quruluşunu təşkil edən keratinin formalaşması üçün vacib olan zülal, folat, B12 və D vitamini ilə zəngindir. Həkim Pol Farranta görə, yumurta istehlakı saçların möhkəm və sağlam qalmasına kömək edir.
Hansı məhsullardan uzaq durmaq lazımdır?
Təmizlənmiş karbohidratlar — ağ çörək, makaron, şirniyyat və qazlı içkilər saçlara mənfi təsir edir. Onlar qan şəkərini və insulini kəskin artıraraq baş dərisinin qan dövranını zəiflədir və keratin istehsalını azaldır.
Braziliya qozunun həddindən artıq istifadəsi də zərərlidir. O, selenlə zəngin olsa da, çox qəbul edildikdə saçların sınmasına və böyümə dövrlərinin pozulmasına səbəb ola bilər.
Ton balığı da riskli sayılır, çünki civə tərkibli ola bilər və bu maddə sinir sistemi, böyrəklər və saç follikulları üçün təhlükəlidir.
Saçların sağlam qalması üçün balanslı pəhriz əsas şərtdir. Yumurta, qırmızı ət, mərcimək və yarpaqlı göyərti faydalı təsir göstərir, şirin və yüksək emal olunmuş məhsullar isə əksinə, saç tökülməsini sürətləndirə bilər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər