Suriyalı nazir: "Çox yaxında Türkiyədə sosial və etnik zəmində gərginliklər ola bilər"
"Türkiyə Suriya ilə müharibə edəcək vəziyyətdə deyil". ANS PRESS-in məlumatına görə, bu barədə Suriya baş nazirinin müavini Kadri Cemil açıqlama verib. O, RİA Novostiyə verdiyi müsahibəsində hazırda Türkiyənin daxilən zəyiflədiyini iddia edib.
"Türkiyə hakimiyyətinin "asarıq-kəsərik" tipli açıqlamaları Türk xalqına hesablanmayıb. Suriyada silahlıların əhval-ruhiyyəsini yüksəltməyə yönəlib. Türkiyə 30 ildi öz daxilində müharibə aparır. Çox yaxında Türkiyədə sosial və etnik zəmində yeni gərginliklər ola bilər", - baş nazirin müavini vurğulayıb. Qaynar.info
