ABŞ-ın keçmiş prezidenti və prezidentliyə namizəd Donald Tramp Nyu Yorkda biznesini riskə atan mülki fırıldaq işi üzrə ona qarşı çıxarılmış qərardan şikayət edib.
Qaynarinfo xəbər verir ki, bu barədə "Politico”
yazır.
Bazar ertəsi, iyulun 22-də Trampın vəkilləri apelyasiya şikayəti verərək, Trampın 454 milyon dollar ödəməli olduğu qərarın ləğvini tələb ediblər.
Söhbət Trampın özünə daha yaxşı kredit və sığorta şərtləri təmin etmək üçün fırıldaq yolu ilə sərvətini milyardlarla dollar şişirtməkdə təqsirli bilindiyi bir işdən gedir.
İlkin olaraq onun yalnız bir hissəsini ödəməyə icazə verilsə də, bu məbləğ Tramp üçün ciddi təhlükə olaraq qalır.
Trampın vəkilləri hakim Engoronun qərarının səhv olduğunu və onun təfərrüatları anlamadığını, həmçinin heç bir bankın və ya sığorta şirkətinin zərər görmədiyini iddia edəcəklər.
Keçmiş prezident bir çox işlərdə iştirak etsə də, bu hökm onun üçün xüsusi təhlükədir, çünki Tramp ödəməli olduğu məbləğə pulu olmadığını etiraf edib.
Apelyasiya məhkəməsi şifahi arqument dinləməsini sentyabrın əvvəlinə təyin edib və hələ noyabrda keçiriləcək prezident seçkilərinə qədər qərarın qəbul edilib-edilməyəcəyini gözləmək lazımdır.
Xatırladaq ki, aprel ayında ABŞ-ın keçmiş prezidenti Donald Tramp bu işdə dövlət orqanlarının aktivlərinin müsadirə olunmasının qarşısını alaraq 175 milyon dollar məbləğində girov qoyub.
Əvvəlcə Trampdan 454 milyon dollar girov ödəməsi tələb edilmişdi, lakin martın 25-də apelyasiya məhkəməsi hakim Artur Engoronun qərarını Trampın 10 gün ərzində daha aşağı məbləği ödəməsi şərti ilə dayandırıb və Tramp da bunu edib.
Alpər
Şərhlər