ABŞ prezidenti Donald Tramp Türkiyədə həbs olunan keşiş Brunsonun sərbəst buraxılması ilə bağlı mətbuata açıqlama verib.
Qaynarinfo xəbər verir ki, o, keşişi yenidən azadlıqda gördükləri üçün qurur duyduğunu ifadə edib: "Brunsonun sərbəst buraxılmasını təqdir edirəm. Onu bu gün Oval Ofisdə qarşılayacağam".
Tramp Türkiyəyə qarşı tətbiq olunan sanksiyaların götürülüb götürülməyəcəyi ilə bağlı suala isə belə cavab verib: "Türkiyə ilə Brunsonun sərbəst buraxılması qarşılığında sanksiyaların götürüləcəyi ilə bağlı saziş bağlamamışıq", - deyə Tramp bildirib.
