Hazırda
Walter Reed Hərbi Xəstəxanasında koronavirus infeksiyasından müalicə edilən
Amerika lideri Donald Tramp video-müraciət paylaşıb.
Qaynarinfo
xəbər verir ki, müraciətində Tramp COVID-19 müalicəsini tez bir zamanda
tamamlayacağına və "Amerikanı yenidən əzəmətli etmək" üçün işinə dönəcəyinə
söz verib.
"Buraya gələndə özümü yaxşı hiss etmirdim. İndi çox yaxşıyam”, - Tramp
Twitter-dəki paylaşımında deyib.
"Biz Amerikanı yenidən əvvəlki kimi əzəmətli
etməliyik. Bu istiqamətdə çox şey əldə etdik, amma hələ görüləsi çox şey var.
<...> Düşünürəm ki, tezliklə qayıdacağam”, - ABŞ lideri vurğulayıb və
artıq özünü yaxşı hiss etməyə başladığını sözlərinə əlavə edib.
"Biz
bu koronavirusu məğlub edəcəyik", - Tramp vəd verib.
Video
artıq 20 milyondan çox baxış sayı toplayıb.
Xatırladaq
ki, Tramp və xanımı 2 oktyabrda koronavirusa yoluxublar. Cütlük təcrid olunub,
ikisinin də yaxşı olduqları qeyd edilir. Lakin sonradan mediada Trampın səhhətinin
pisləşməsi barədə xəbər verilib - qızdırması yüksəlib, öskürməyə başlayıb.
Alpər
