Türkiyədə oğlan və qızların birgə təhsil almalarının qadağan ediləcəyi gözlənilir.
Trend-in "CNN Turk" telekanalına istinadən verdiyi məlumata görə, bunu Türkiyə parlamenti sədrinin müavini Sadik Yakut bəyan edib.
S.Yakutun sözlərinə görə, oğlan və qızların birgə təhsil almaları böyük səhv idi və Türkiyə onu düzəltmək niyyətindədir.
O qeyd edib ki, ölkədə oğlan və qızların ayrıca gimnaziyalarını yaratmaq lazımdır.
Bir müddət əvvəl Baş nazir Rəcəb Tayyib Ərdoğan hakim partiyanın iclasında oğlan və qızların tələbə yataqxanalarının ayrı olacağını bəyan etmişdi.
Qaynar.info
