Rusiya Türkiyəyə S-400 alayının ikinci partiyasını verəcək.
Qaynarinfo RİA Novosti-yə istinadla xəbər verir ki, ikinci
partiya ilə bağlı müqavilə 2020-ci ildə imzalanacaq. Bu haqda
"Rosoboronexport”un direktoru Aleksandr Mixeyev bildirib.
Bu il Rusiya Türkiyəyə 2,5 milyard dollar həcmində dörd
S-400 diviziyasının tədarükü ilə bağlanmış müqaviləni başa çatdırıb. Müqaviləyə
əsasən, daha bir alay dəstinin göndəriləcəyi də gözlənilir.
"Ümid edirik ki, 2020-ci ilin birinci yarısında müqavilə sənədlərinin
imzalanmasına başlayacağıq. Ancaq vurğulamaq istəyirəm ki, Türkiyə ilə hərbi-texniki
əməkdaşlıq S-400 tədarükü ilə məhdudlaşmır. Qarşıda böyük planlarımız var”, -
Mixeyev deyib.
"Rosoboronexport” rəhbəri Moskvanın Ankaraya işin üçüncü mərhələsi
- S-400-lərin üçüncü partiyası üçün texniki öhdəliklərini təhvil verdiyini və
Türkiyə ilə texniki məsələlərin artıq həll olunduğunu, artıq maliyyə komponenti
üzərində danışıqlar aparıldığını qeyd edib.
Xatırladaq ki, ABŞ dəfələrlə Türkiyəni S-400-lərdən imtina
etməyə çağırıb.
