Ukrayna antiterror əməliyyatları zamanı 24 hərbi qulluqçu itirib, 70-ə yaxını yaralanıb.
Trend-in "Ukrinform" agentliyinə istinadən verdiyi məlumata görə, bunu Hərbi Araşdırmalar Mərkəzinin rəhbəri Dmitri Tımçuk öz "facebook" səhifəsində yazıb.
Onun sözlərinə görə, əməliyyatlar zamanı aşağıdakı itkilər qeydə alınıb: "Ukrayna Silahlı Qüvvələri - 16 nəfər; Ukrayna Təhlükəsizlik Xidməti - 3 nəfər; Daxili İşlər Nazirliyi Daxili Qoşunlar (Milli Qvardiya) - beş nəfər".
Bu arada Slavyanskın "xalq meri" Vyaçeslav Ponomaryov mətbuat konfransı zamanı bəyan edib ki, mayın 2-dən 12-dək keçirilən antiterror əməliyyatları zamanı ümumilikdə 650 nəfər həlak olub.
Qaynar.info
