Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Ukraynalıların yarıya qədəri işğal altında olan ərazilərlə NATO-ya üzvlüyə razıdır – Sorğu
İlka Kuçeriv adına Demokratiya Təşəbbüsləri Fondu və Razumkov Mərkəzinin sosioloji xidmətinin birgə keçirdiyi 2024-cü ilin 29 noyabr - 14 dekabr tarixlərindəki sorğusuna görə, ukraynalıların 47%-i işğal altında olan ərazilərin qalmasına baxmayaraq, ölkənin NATO-ya üzvlüyünü dəstəkləyir.
Qaynarinfo xəbər verir ki, bu barədə "Avropa Pravdası" yazır.
Detallar
Dekabr 2024-də respondentlərin 47%-i Ukraynanın bir hissəsi işğal altında qalsa belə, NATO-ya üzvlüyünü dəstəkləməyə hazır olduğunu bildirib. Bu göstərici, iyun 2023-ə nisbətən 14 faiz bəndi çoxdur.
Ukraynanın işğal altında qalan ərazilərlə NATO-ya üzvlüyünü dəstəkləməyə hazır olmayanların nisbəti isə 36%-dir, bu da keçən ilin eyni dövrü ilə müqayisədə 16 faiz bəndi azdır.
Dəstəyi daha az ifadə edən qruplar arasında 50 yaşdan yuxarı respondentlər (40%), tammiqyaslı işğaldan əvvəl ölkənin şərq (36%), mərkəzi (38%) və cənub (48%) bölgələrində yaşayanlar, yoxsulluq həddindən aşağı gəliri olanlar (46%) və müvəqqəti işğal edilmiş ərazilərdə yaxınları olmayanlar (42%) yer alır.
Respondentlərin 55%-i hesab edir ki, Ukraynanın təhlükəsizliyinin təmin olunması üçün ən yaxşı variant NATO-ya üzvlükdür. Neyntral statusun beynəlxalq zəmanətlərlə təmin edilməsi isə yalnız 12% tərəfindən dəstəklənib.
Respondentlər arasında Ukraynanın blokdan kənar statusu və yalnız öz müdafiə gücünə arxalanmaq kimi variantlar ən az səmərəli hesab olunub – hər biri yalnız 3% dəstəklənib.
Sorğuda iştirak edənlərin 60%-i düşünür ki, NATO-ya üzvlük Rusiyanın yenidən hərbi təcavüzünü dayandırmağın yeganə yoludur. Alternativ strategiyalar arasında nüvə statusunun bərpası 39% respondent tərəfindən effektiv müdafiə üsulu kimi göstərilib.
Ən səmərəsiz variant isə bu ərazidə kimin qoşunlarının yerləşəcəyindən asılı olmayaraq təmas xətti boyunca demilitarizasiya olunmuş zona yaratmaq kimi dəyərləndirilib.
Bütün makroregionlar və maliyyə vəziyyətindən asılı olmayaraq respondentlər arasında ən geniş dəstək NATO-ya üzvlük və nüvə statusunun bərpasına verilib.
Sorğuda hökumət tərəfindən nəzarət edilən ərazilərdə yaşayan 18 yaşdan yuxarı 1518 respondent iştirak edib. Sorğu "face-to-face" üsulu ilə keçirilib.
Əvvəlki məlumat
Daha əvvəlki bir sorğuda, 2024-cü ilin noyabrında ukraynalıların təxminən 70%-i NATO-ya mərhələli üzvlük ideyasına müsbət yanaşıb. Oxşar strategiya bir zamanlar bölünmüş Almaniya üçün tətbiq edilmişdi.
Polşa vətəndaşlarının əksəriyyəti isə ilk dəfə müharibənin Ukraynanın ərazilərinin bir hissəsindən və ya müstəqilliyindən imtina etməklə bitməsi fikrini dəstəkləyib.
Alpər
Oxşar xəbərlər
Tramp "TikTok"un ABŞ-da qalmasını istəyir
Dünya
23.12.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər