Ukraynanın Xarkovun şimalı və şərqindəki əks-hücum əməliyyatı son 24 saat ərzində əlavə nailiyyətlər əldə edib və yaxın günlərdə Rusiya qüvvələrini Xarkovun artilleriya atəş xəttindən uğurla sıxışdırıb çıxara bilər.
Qaynarinfo xəbər verir ki, bu barədə Amerikanın "Müharibənin Tədqiqi İnstitutu”nun son
hesabatında deyilir.Ukrayna qüvvələri Xarkovdan şimalda və şərqdə bir neçə yaşayış məntəqəsini ələ keçirib və bu, rusların vilayət mərkəzini təhdid etmək imkanlarını azaldıb.
"Ukraynanın bu əməliyyatı Ukrayna qüvvələrinin müharibə boyu əsas əraziləri ələ keçirmək və Rusiyanın hücum əməliyyatlarını pozmaq üçün başlatdığı daha lokallaşdırılmış əks-hücumlardan fərqli olaraq uğurlu, daha geniş əks-hücum əməliyyatına çevrilir, - analitiklər bildirib.
Üstəlik, Ukrayna Silahlı Qüvvələri dar miqyaslı zərbələrə fokuslanmayaraq, Xarkov ətrafında geniş qövs boyunca əraziləri nəzərəçarpacaq dərəcədə geri alır və bu, fevralın 24-dən bəri hələ müşahidə olunmayan daha böyük hücum əməliyyatlarına başlamaq imkanını göstərir.
Ukrayna qüvvələrinin Ukraynanın şərqində müdafiə üçün mövcud qüvvələri yerləşdirmək əvəzinə, bu miqyaslı hücum əməliyyatları üçün lazım olan qüvvələri cəmləşdirməyə hazır olması Ukrayna hərbçilərinin Severodonetsk bölgəsində Ukrayna qüvvələrini mühasirəyə almaq üçün davam edən Rusiya əməliyyatlarını dəf etməkdə inamını daha da sübut edir.
Ukrayna qüvvələrinin Rusiyanın İzümdəki quru zolaqlarını birbaşa təhdid etmə ehtimalı az olsa da (çünki onlar Ukraynanın son hücumlarından fərqli olaraq daha çox şərqdə gedir), Ukrayna qüvvələri Rusiyanın Xarkova təzyiqini azalda bilər və ola bilsin ki, Rusiya sərhədinə doğru irəliləyişlə təhdid edə bilər.
İzüm ətrafındakı Rusiya qüvvələri dalana dirənmiş vəziyyətdədir və əlavə səpələnmiş qüvvələr çətin ki, yeni hücuma imkan versin.
Rusiyanın Xarkovdakı məqsədi Ukrayna qüvvələrinin digər istiqamətlərdə müdafiəçilərini gücləndirmək məqsədiylə hərəkət etməsinə mane olmaq üçün şəhərə təzyiq göstərməkdir.
Uğurlu əks-hücum sayəsində Ukrayna Silahlı Qüvvələri yaxın günlərdə Rusiya ordusunu Xarkovun özünün top artilleriyasının əhatə dairəsindən çıxara bilər.
Rusiya qüvvələri çox güman ki, seçim qarşısında qalacaq: Xarkov kənarındakı müdafiə mövqelərini dəstəkləmək üçün Ukraynanın şərqinə əlavə qüvvələr göndərməlidirlər, əks halda onlar həm şəhəri bombalamaq, həm də Xarkov vilayətindən keçən kommunikasiyaları əhatə etmək imkanlarını itirəcəklər.
Xatırladaq ki, Ukrayna Silahlı Qüvvələrinin Ali Baş Komandanı Valeri Zalujnının sözlərinə görə, mayın 5-də Ukrayna Müdafiə Qüvvələri Xarkov və İzüm istiqamətlərində əks-hücum əməliyyatlarına başlayıb.
Mayın 6-da məlum olub ki, Ukrayna Silahlı Qüvvələri Xarkov vilayətində Aleksandrovka, Fedorovka, Ukrainka, Şestakovo, Pobeda yaşayış məntəqələri və Çerkasski Tişki kəndinin bir hissəsinə nəzarəti bərpa edib.
Ukrayna Silahlı Qüvvələrinin əks hücumu nəticəsində işğalçılar üç körpünü partladıblar.
Alpər
