Yaponiyada yeni nəsil nüvə reaktorları tikiləcək.
Qaynarinfo bu barədə "Reuters"ə istinadən xəbər
verir.
Yaponiyanın baş naziri Fumio Kişida enerji və yanacağın qiymətlərinin artması və ölkənin enerji bazarını sabitləşdirmək məqsədilə yeni nəsil nüvə reaktorlarının tikintisinə göstəriş verib.
Yaponiyanın baş naziri jurnalistlərə bildirib ki, o, hökumət rəsmilərinə ilin sonuna qədər davamlı enerji və nüvə enerjisi ilə bağlı "ictimai anlayışın əldə edilməsi” də daxil olmaqla konkret tədbirlər görməyi tapşırıb.
Reuters bu barədə yazıb: "Hökumətin mövcud reaktorların ömrünü uzatmağa çalışdığını da bildirən Kişidanın bəyanatları Ukraynadakı böhranın və enerji xərclərinin artmasının ictimai rəydə necə dəyişikliyə və hökumətin reaktorlarına yenidən baxılmasına səbəb olduğunu göstərir.
Yaponiya 2011-ci ildə Fukuşima nüvə fəlakətinə səbəb olan ölümcül zəlzələ və sunamidən sonra son on il ərzində atom elektrik stansiyalarının əksəriyyətini oflayn saxlayıb.
M.Arif
