Yaponiyada insanlara ayaqüstündə yatmağa imkan verən qutular yaradılıb.
Qaynarinfo "Fortune” saytına istinadla xəbər verir ki, bu barədə "İtoki" şirkətinin sözçüsü
bildirib.
Yaponiyanın "İtoki" və "Koyoju Gohan" şirkətləri ölkəyə daha sağlam ofis mədəniyyəti gətirməyə kömək etmək üçün ayaqüstü "yuxulamaq qutuları” istehsal etmək üçün əməkdaşlığa başlayıblar.
"İtoki" mebel və "Koyoju Gohan" tikinti şirkəti ayaqüstü yataq qutuları hazırlamaq üçün lisenziya müqaviləsi bağlayıblar.
Həddindən artıq uzun ofis saatları Yaponiyada işçilər arasında böyük bir problemdir. Ölkədə hətta bütün gün boyunca və ya uzun bir gediş-gəliş ərəfəsində yatan insanlar üçün bir termin var: İnemuri.
"Yaponiyada bir müddət tualetə qapanan çox sayda insan var ki, bu da məncə sağlam deyil. Rahat bir yerdə yatmaq daha yaxşıdır", deyə "İtoki"nin kommunikasiya direktoru Saeko Kavaşima deyir.
Yuxu qutusunun istifadəçisi dik duran flaminqo kimi kapsulda yatacaq. İlkin dizayn insanın yıxılmaması üçün başın, dizlərin və kürəyinin rahat şəkildə dəstəklənməsini təmin etmək üçün hazırlanıb. Məhsuldarlığı artıran və bərpaedici istirahətə imkan verən yeni dizayn işçilərə gün ərzində qısa müddətli yuxu almağa yardımçı ola bilər.
"Düşünürəm ki, bir çox yapon fasiləsiz işləməyə meyllidir. Ümid edirik ki, şirkətlər bundan istirahət üçün daha çevik bir yanaşma kimi istifadə edə bilərlər", deyə Kavaşima qeyd edib.
Nurlan
