Kəşf edilmiş Yerə bənzər ilk planet olan "Kepler-186f" barədə növbəti vacib fakt aşkarlanıb.
Qaynarinfo CNET-ə istinadən xəbər verir ki, Yerdən təxminən 500 işıq ili məsafədə yerləşən "Kepler-186f" fəsillərin mövcud olması üçün əlverişlidir. Planetdəki temperatur suyun yerdə qalması, buxarlanmaması üçün əlverişlidir və səthi Yerdə olduğu kimi daşlı-qayalıdır.
Georgiya Texniki Universitetindən olan mütəxəssislər "Kepler-186f"in fırlanmasını və oxun əyilmə bucağını araşdırıblar və dünyadakı kimi stabil olduğu müəyyənləşib. Bu fakt Yerə bənzər planetdə fəsillərin olduğunu sübut edir. Əldə olunmuş informasiyalar "Kepler-186f"də həyatın olması və ya ola biləcəyi barədə iddiaların daha da güclənməsi deməkdir.
Qeyd edək ki, Mars qeyri-sabit ox əyilməsinə sahibdir və bu, atmosferin tənəzzülünə, suyun buxarlanmasına səbəb olur və planeti həyat üçün yararsız edir.
Gülşən
