Xorvatiyada koronavirusa görə tətbiq edilən bütün epidemioloji tədbirlər ləğv edilib. Yalnız səhiyyə sistemində və sosial xidmətlərdə maskalardan istifadə öhdəliyi qüvvədə qalıb.
Qaynarinfo Xorvatiya böhran qərargahına istinadla xəbər verir ki, Avropa İttifaqı vətəndaşları üçün Xorvatiyaya daxil olarkən Avropa sertifikatlarını təqdim etmək öhdəliyi ləğv edilir, qalanları üçün bu tədbir qüvvədə qalır, lakin üçüncü ölkələrdən gələn səyahətçilərin daha gəliş səbəblərini göstərməsinə ehtiyac qalmayacaq.
Mülki Müdafiə üzrə Milli Qərargahın rəhbəri və daxili işlər naziri Dabor Bojinoviç mətbuat konfransında bütün tədbirlərin ləğv ediləcəyini və vətəndaşların məhdudiyyətsiz toplaşa biləcəklərini bildirib.
