"Müstəqil Xalq Partiyasının (MXP) fəaliyyətini dayandırması ilə bağlı məlumat həqiqəti əks etdirmir”.
Bu baradə Qaynarinfo-ya açıqlamasında partiyanın sədri Əflan İbrahimov MXP-nin fəaliyyətinin dayandırılması ilə bağlı məlumata aydınlıq gətirərkən deyib.
Əflan İbrahimov bildirib ki, yaxın günlərdə "Siyasi partiyalar haqqında” qanun tələblərinə uyğun olaraq, sənədlər Ədliyyə Nazirliyinə təqdim olunacaq:
"5 min üzvlə bağlı bütün sənədlər hazırdır. Hətta bizim partiyanın üzvlərinin sayı 5 mindən çoxdur. Fəaliyyətimiz davam edir və edəcək də”.
Qeyd edək ki, bir neçə gün öncə Müstəqil Xalq Partiyasının fəaliyyətinin dayandırılması ilə bağlı mətbuatda məlumat yayılıb.
Bahar Rüstəmli
