"Ermənistanın "TIR şousu” davam edir. Bir sıra xarici təşkilatların təxribat məqsədli bu şouya dəstək verməsi isə təəssüf doğurmaqla yanaşı, bölgədə vəziyyətin gərginləşməsinə səbəb olur. Ermənistan rəhbərliyi hələ də Ağdam-Xankəndi yolundan istifadə etməkdən boyun qaçırır”.
Bunu Qaynarinfo xəbər verir ki, Milli Məclisin deputatı Vüqar Bayramov deyib.
Deputat bildirib ki, 26 km uzunluğu olan Ağdam-Xankəndi yolu müasir standartlara uyğun qurulmaqla yanaşı bölgədə Xankəndinə ən qısa məsafə hesab olunur:
"Laçın-Xankəndi yolu 60 km-dir və bu yol Şərqi Zəngəzurla Qarabağı birləşdirir. Ağdam-Xankəndi yolu isə Qarabağ iqtisadi rayonunda daxili şəbəkədir və bu baxımdan da vacib nəqliyyat xəttidir. Bu yoldan istifadə bütövlükdə Qarabağ iqtisadi rayonun inkişafına töhvə baxımdan da vacibdir. Daxili nəqliyyat və logistik şəbəkə iqtisadi inkişaf üçün zəmin yaratdığından bu yolun intensiv istifadəsi əhəmiyyətlidir”.
Vüqar Bayramov əlavə edib ki, əgər məqsəd Azərbaycanın Qarabağ bölgəsində yaşayan ermənilərə humanitar yardım göstərməkdirsə, niyə Ermənistan siyasi hakimiyyəti daha qısa və müasir standartlara uyğun qurulmuş yoldan istifadədən imtina edir?
Bahar Rüstəmli
