Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Qulançardan da faydalıdır: B qrupu vitaminləri ilə zəngin 9 qida açıqlandı
B qrupu vitaminləri maddələr mübadiləsi, enerji istehsalı və ümumi sağlamlıq üçün vacib hesab olunur. Mütəxəssislər bildirirlər ki, bu vitaminlərin əksəriyyəti orqanizmdə toplanmadığı üçün onların gündəlik qida rasionu vasitəsilə qəbul edilməsi zəruridir.
Qaynarinfo xəbər verir ki, bu barədə "Verywell Health" nəşri dietoloq Karina Tolentinonun yoxladığı məqaləyə istinadən yazıb.
Məqalədə qeyd olunur ki, bişmiş bir stəkan qulançar B6 vitamini ilə zəngin olsa da, B qrupu vitaminlərinin miqdarına görə onu geridə qoyan bir sıra məhsullar mövcuddur.
Mütəxəssislərin sözlərinə görə, B qrupu vitaminləri ət, balıq, yumurta, süd məhsulları, yaşıl yarpaqlı tərəvəzlər, paxlalılar, dənli bitkilər və vitaminləşdirilmiş taxıl məhsullarında geniş yayılıb. Xüsusilə hamilə qadınlar, veqanlar və bəzi xəstəlikləri olan insanlar əlavə vitamin qəbuluna ehtiyac duya bilərlər.
B qrupu vitaminləri ilə ən zəngin 9 qida bunlardır:
Mal qaraciyəri – B12 vitamini, riboflavin və fol turşusunun ən zəngin mənbələrindən biri hesab olunur.
Yağlı balıqlar – Qızılbalıq, skumbriya və sardina həm omeqa-3 yağ turşuları, həm də B6, B12 və fol turşusu ilə zəngindir. Bu qidalar ürək və beyin sağlamlığını dəstəkləyir.
İspanaq – Xüsusilə fol turşusunun mühüm mənbəyidir. Brüssel kələmi, kələm və pazı kimi yaşıl yarpaqlı tərəvəzlər də eyni xüsusiyyətə malikdir.
Yumurta – Biotin (B7 vitamini) ilə zəngindir. Bu vitamin qidanın enerjiyə çevrilməsində, həmçinin dəri, saç, dırnaq və sinir sisteminin sağlamlığında mühüm rol oynayır.
Toyuq və mal əti – Riboflavin, niasin, pantoten turşusu, B6 və B12 vitaminlərinin yaxşı mənbələrindən sayılır.
Süd məhsulları – Süd, pendir və qatıq tiamin, riboflavin, niasin, pantoten turşusu, B6 və B12 vitaminləri ilə zəngindir.
Noxud – Fol turşusu ilə yanaşı, tiamin, niasin, pantoten turşusu, B6 vitamini və biotin də ehtiva edir. Xüsusilə bitki mənşəli qidalanmaya üstünlük verənlər üçün faydalıdır.
Vitaminləşdirilmiş taxıl məhsulları – Tam taxıllı səhər yeməyi məhsulları tiamin, riboflavin, niasin və fol turşusunun təbii mənbəyidir.
Günəbaxan tumu – Tiamin, pantoten turşusu, niasin və B6 vitamini ilə yanaşı, müəyyən miqdarda biotin də ehtiva edir. Mütəxəssislər onu salatlara əlavə etməyi və ya sağlam qəlyanaltı kimi istifadə etməyi tövsiyə edirlər.
Mütəxəssislər vurğulayırlar ki, balanslaşdırılmış qidalanma əksər insanlar üçün B qrupu vitaminlərinə olan gündəlik tələbatı ödəyir və bu vitaminlər sağlam maddələr mübadiləsi, sinir sistemi və enerji istehsalı üçün mühüm əhəmiyyət daşıyır.
Günay
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər