Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Səhər yeməyində yumurtanı necə əvəz etmək olar? - Proteinlə zəngin 7 variant
Yumurta bir çox insanın səhər yeməyinin əsas qidasıdır. İki böyük yumurtada təxminən 12,6 qram zülal, həmçinin faydalı yağlar, vitaminlər və minerallar var. Lakin "Health” nəşrinin yazdığına görə, yumurta hər gün istifadə edildikdə monoton ola bilər.
Qaynarinfo xəbər verir ki, qeydiyyatdan keçmiş diyetoloq Cillian Kubalanın sözlərinə görə, səhər yeməyində yumurtanı əvəz edə biləcək bir çox qidalı və doyurucu alternativ var. O, zülalla zəngin 7 seçim təqdim edib.
1. Yunan yoqurtu
Yunan yoqurtu yüksək zülal tərkibi ilə yumurtaya yaxşı alternativ sayılır. ABŞ Kənd Təsərrüfatı Departamentinin məlumatına görə, adi yoqurtla müqayisədə təxminən iki dəfə çox zülal ehtiva edir.
Mütəxəssis bildirir ki, ¾ stəkan yunan yoqurtunda təxminən 17 qram zülal var. O, həmçinin kalsium, B12 vitamini və seleniumla zəngindir. "Canlı və aktiv kultur”lu məhsullar bağırsaq sağlamlığı üçün faydalı probiotiklər mənbəyidir.
Diyetoloq onu meyvə və toxumlarla qarışdırmağı və ya smuzi hazırlamağı tövsiyə edir.
2. Yulaf
Yulaf özü yüksək zülal mənbəyi olmasa da, onu proteinlə zəngin əlavələrlə (yoqurt, qoz pastası, protein tozu və s.) birləşdirmək olar.
"Foods” jurnalında dərc olunan araşdırmaya görə, yulafın əsas üstünlüyü beta-qlükan adlı həll olunan lifdir. Bu maddə xolesterin və qan şəkərinin tənzimlənməsinə kömək edir.
3. Tofu
Tofu yumurta əvəzedicisi kimi geniş istifadə olunur. Yarım stəkanında təxminən 22 qram zülal var. O, az karbohidratlıdır və kalsium, dəmir, sink kimi minerallarla zəngindir.
4. Kəsmik
Kəsmik yüksək zülal tərkibi ilə uzunmüddətli toxluq yaradır. Bir stəkanında təxminən 25 qram zülal var. Həm şirin, həm də duzlu əlavələrlə istifadə edilə bilər.
5. Lobya və mərcimək
Bitki mənşəli zülal və liflə zəngindir. Bir stəkan mərciməkdə təxminən 17,9 qram zülal və 15,6 qram lif var. Bu qidalar toxluğu uzadır və qan şəkərini sabit saxlayır.
6. Smuzi
Zülallı smuzilər sürətli və rahat səhər yeməyi seçimidir. Sirovatka protein və ya bitki mənşəli protein əlavə edilərsə, bir porsiyada 35 qram və ya daha çox zülal ola bilər.
7. Çia toxumu pudinqi
Çia pudinqi həm zülal, həm də lif və minerallarla zəngindir. 28 qramında təxminən 9,75 qram lif və 4,7 qram zülal var. Süd və ya bitki içkisi ilə qarışdırılaraq hazırlanır və soyuducuda saxlanır.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər