Venesiya Komissiyasının təklifləri nəzərə alınıb – Deputat

 

 

Ceyhun Məmmədov qanun layihəsinin hazırlanması prosesi demokratik və şəffaf şəkildə təşkil edildiyini vurğulayıb:

 

"İlk dəfə olaraq qanun layihəsi Milli Məclisin plenar iclasına, həmçinin komitələrin iclasına çıxarılmazdan əvvəl Milli Məclisin saytında yerləşdirilib. 28 sentyabrda qanun layihəsinin ilk ictimai dinləmələri keçiriləcək. Layihənin hazırlanmasında siyasi partiyaların iştirakı təmin edilib. Cari ilin iyulun 26-da Milli Məclis layihə ilə bağlı təkliflərin təqdim edilməsi üçün dövlət qeydiyyatına alınmış siyasi partiyalara müraciət edib. Ötən müddət ərzində 39 siyasi partiya öz təkliflərini rəsmi olaraq Milli Məclisə təqdim edib və yeni qanunun hazırlanmasında bu təkliflər irəli sürüb”. 

Ceyhun Məmmədov deyir ki, sənədlərin hazırlanmasına önəmli məqamlardan biri beynəlxalq təcrübənin öyrənilməsi olub:

 

"Milli Məclisdə layihə hazırlanarkən Venesiya Komissiyasının siyasi partiyaların fəaliyyətinin tənzimlənməsi üzrə 2010-cu və 2020-ci illərdə qəbul etdiyi tövsiyələr, həmçinin 20-dən artıq ölkənin təcrübəsi nəzərdən keçirilib. Milli Məclisin saytında yerləşdirilmiş layihə ilkin variantdır. Sentyabrın 28-i keçiriləcək ilkin ictimai dinləmə, həmçinin növbəti ictimai dinləmələr zamanı siyasi partiyaların, digər vətəndaş cəmiyyəti subyektlərinin, ekspertlərin, dövlət orqan və qurumlarının təklifləri nəzərdən keçirilməklə qanun layihəsi daha da təkmilləşdiriləcək. Bu da öz növbəsində qanunun yüksək səviyyədə hazırlanmasına öz töhfəsini verəcək”.