Azərbaycan Xarici İşlər Nazirliyinin birinci katibi Araz İmanov işdən çıxıb.
Qaynarinfo xəbər verir ki, bunu diplomat "Facebook" səhifəsində yazıb.
"Qürur hissi ilə bildirirəm ki, 16 illik təcrübəm ilə Xarici İşlər Nazirliyindən ayrılıb fəaliyyətimi Qarabağın bərpası istiqamətində davam etdirəcəyəm. Bu yolda ən böyük əməyi olan cənab Prezident və onun komandasına kiçik də olsa xeyirim dəysin deyə bütün səylərimi əsirgəməyəcəyəm”, - o bildirib.
Qeyd edək ki, A.İmanov AMEA İqtisadiyyat İnstitutunun direktoru, keçmiş deputat, iqtisad elmləri doktoru, professor Nazim İmanovun oğludur.
