Bu gün saat 15-00 da Sabuncu rayon Məhkəməsində Müsavat başqanının müşaviri Yadigar Sadıqovun məhkəməsi keçiriləcək.
Bu barədə Qaynar.info-ya Yadigar Sadıqovun hüquqlarının müdafiə komitəsinin sədri Elman Fəttah məlumat verib: "Saat 15-00 da Sabunçu rayon Məhkəməsində Yadigar Sadıqovun məhkəməsidir. Dostları, müsavatçıları, jurnalistləri gözləyirik".
Xatırladaq ki, Y.Sadıqovu iyunun 27-də Lənkəran şəhər sakini Rəşid Kərimovun şikayəti əsasında saxlayıblar. O, silahdan və ya silah qismində istifadə edilən əşyaları tətbiq etməklə xuliqanlıqda ittiham olunur. R.Kərimov iyunun 25-də Y.Sadıqovun iki nəfərlə birgə onu döydüyünü iddia edir. Y.Sadıqov isə bu iddianı tamamilə rədd edir, həmin şəxsi döymədiyini və bunun hakimiyyətin quraşdırdığı oyun olduğunu vurğulayır.
Qaynar.info
