Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Al sahəsində yeni qarşıdurma: "Reddit"dən "Anthropic"ə qarşı məhkəmə iddiası
Süni intellekt (Al) dünyasında rezonans doğuran yeni bir hadisə baş verib.
Qaynarinfo xəbər verir ki, sosial media platforması "Reddit” "Claude” adlı süni intellekt çatbotunu hazırlayan "Anthropic” şirkətinin öz platformasındakı məlumatlardan icazəsiz istifadə etdiyini iddia edərək məhkəməyə müraciət edib.
Bu hadisə, böyük texnologiya şirkətləri arasında məlumat istifadəsi və süni intellekt etikası ilə bağlı mübahisələri yenidən alovlandırıb. "Reddit”in iddiasına görə, "Anthropic” 2021-ci ilin dekabr ayından bəri platformadakı məlumatlardan istifadə edir və şirkətin dəfələrlə göndərdiyi "məlumat istifadəsini dayandırın” tələblərini görməzdən gəlib.
"Reddit” süni intellekt şirkətlərinin öz platformasından icazəsiz məlumat toplamasına qarşı sərt mövqe sərgiləyir. Şirkət daha əvvəl "Google” və "OpenAI” ilə məlumat lisenziyalaşdırma razılaşmaları imzalamış və bu məlumatlardan istifadəyə hüquqi əsas yaratmışdı. Şirkətin baş direktoru Stiv Hafman "Anthropic”in "Reddit” məlumatlarını icazəsiz istifadə etməsini sərt şəkildə tənqid edib. Məhkəməyə təqdim olunan sənədlərdə bildirilir ki, "Anthropic” lisenziyalaşdırma danışıqlarına girməyi də rədd edib.
Bundan əlavə, "Reddit” "Anthropic”i istifadəçi məxfiliyinə hörmət etməməkdə və silinmiş paylaşımları öz sistemlərindən çıxarmamaqda da ittiham edir. Bu ittiham, süni intellekt şirkətlərinin məlumat təhlükəsizliyi və istifadəçi hüquqları ilə bağlı məsuliyyətlərini bir daha gündəmə gətirib.
"Anthropic” isə "Reddit”in iddialarını qəbul etmir və öz mövqelərini güclü şəkildə müdafiə edəcəklərini bəyan edib. Bu məhkəmə prosesi, süni intellekt inkişaf etdirən şirkətlər üçün məlumat toplama və istifadə qaydaları baxımından mühüm presedentə çevrilə bilər və gələcək lisenziyalaşdırma razılaşmalarının əsasını formalaşdıra bilər. Proses eyni zamanda süni intellekt texnologiyalarının inkişafı ilə məlumat sahiblərinin hüquqları arasında mövcud olan həssas tarazlığı da açıq şəkildə göstərir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər