Almaniyanın 2024-cü il üçün planlaşdırdığı büdcədə Ukraynaya yardım üçün 5 milyard avrodan çox vəsait yoxdur.
Qaynarinfo bu barədə "Bild"ə istinadən xəbər verir.
Jurnalistlər Bundesverdən ayrılan vəsaitin hesablanmasını əks etdirən sənəd əldə ediblər. Hərbi dəstək "ümumi maliyyə idarəçiliyi" büdcəsindən ödənilir. Qeydlərə görə, Almaniya 2024-cü ilə qədər Ukrayna üçün 4 milyard avro ayırıb.
Əvvəllər vəd edilmiş yardım tədbirləri üçün 3,1 milyard vəsait ayrılacaq. 770 milyon Almaniya Xarici İşlər Nazirliyi və onun Ukraynaya yardımı üçün nəzərdə tutulub.
Beləliklə, 2024-cü ildə yeni hərbi layihələr üçün cəmi 120 milyon pul qalıb.
Bununla belə, ehtiyac daha çoxdur: Almaniya Müdafiə Nazirliyi Kiyevdən 5,22 milyard avro dəyərində yardım üçün əlavə sorğular gözləyir.
Sənəddə daha çox vəsaitin hara ayrılması aydınlaşdırılır:
- 880 milyon avro - hava hücumundan müdafiə üçün;
- 675 milyon - zirehli maşınlar üçün;
- 935 milyon - qoruyucu vasitələr üçün;
- 2,34 milyard - avadanlıqların (təmir, ehtiyat hissələri, logistika) fəaliyyət qabiliyyətini təmin etmək üçün.
2024-cü ilin yekun büdcəsi noyabrın ortalarında qəbul edilməlidir. Çox güman ki, o vaxta qədər gərgin danışıqlar aparılacaq.
Aydın
