İngiltərə
Avropa Birliyinin ardınca Aleksey Navalnı olayıyla əlaqədar olaraq Rusiya səlahiyyətlilərinə
qarşı sanksiyalar tətbiq edib.
Qaynarinfo
xəbər verir ki, bu barədə İngiltərə Xarici İşlər Nazirliyi məlumat yayıb.
Siyahılar Brüsseldə təsdiqlənmiş siyahı ilə eynidir.
Xatırladaq
ki, bundan əvvəl AB-nin Rusiyaya qarşı sanksiyalara dair qərar çıxardığı
bildirilmişdi. Məhdudlaşdırıcı tədbirlər Rusiya Federasiyasının altı vətəndaşını
əhatə edib. Onların AB-yə girişi qadağan edilib. Bunlar FSB-nin direktoru Aleksandr
Bortnikov, Rusiya Federasiyası Prezident Administrasiyası rəhbərinin birinci
müavini İqor Kiriyenko və prezident administrasiyasının daxili siyasət məsələləri
üzrə rəhbəri Andrey Yarin idi.
Bundan
başqa Rusiya Prezidentinin Sibir Federal Dairəsindəki səlahiyyətli nümayəndəsi
Sergey Menyailo və Rusiya Federasiyası müdafiə nazirinin iki müavini AB
sanksiyalarına məruz qalıb.
Dövlət
Üzvi Kimya və Texnologiya Tədqiqat İnstitutuna (QosNIIOKhT) qarşı da sanksiyalar
tətbiq edilib. Bu institutla hər hansı bir əlaqə saxlamaq sahibkarlara qadağandır.
Alpər
