Cennifer Enistondan Metyu Perrinin ölümü ilə bağlı acı etiraf

Qaynarinfo xəbər verir ki, bunu "Vanity Fair" jurnalına müsahibəsində Cennifer Eniston deyib. 

Onun sözlərinə görə, dostları Perriyə asılılıqla mübarizəsində kömək etmək cəhdlərini heç vaxt dayandırmayıblar. Aktyor bu yoldan öz xatirələri olan "Dostlar, sevgililər və böyük fəlakət" adlı memuarında açıq şəkildə bəhs etmişdi:

"Biz bacardığımız hər şeyi, bacardığımız vaxtda etdik. Amma elə gəlirdi ki, biz Metyu üçün artıq çoxdan yas tuturuq, çünki onun bu xəstəliklə mübarizəsi onun üçün çox çətin idi. Bu, bizim hamımız, eləcə də pərəstişkarları üçün nə qədər çətin olsa da, bir hissəm düşünür ki, belə olması daha yaxşıdır. Mən sevinirəm ki, o, o ağrıdan qurtuldu".

Eniston həmişə başa düşüb ki, "Dostlar" unikal aktyor seçimi və möcüzəvi təsadüflərin birləşməsi nəticəsində yaranıb, lakin serialın həqiqi şəxsi təsirini yalnız 2021-ci ildə aktyorların yenidən görüşü zamanı dərk edib. O zaman beynəlxalq pərəstişkarlar, bu serial sayəsində ingilis dilini öyrəndiklərini və ya çətin həyat dövrlərini keçə bildiklərini bölüşürdülər.

"Ən yaxşı olmağıma kömək edən şey, dünyaya nə verə biləcəyimi və başqalarını necə dəstəkləyə biləcəyimi anlamaqdır. Əgər "Dostlar" mənim tərcümeyi-halımda yeganə iş olsaydı, inanılmaz dərəcədə xoşbəxt və minnətdar olardım", deyə o əlavə edib.

Xatırladaq ki, 2023-cü ilin oktyabrında "Dostlar" serialında Çendler Binq obrazı ilə tanınan Metyu Perri Los-Ancelesdəki evin vannasında faciəli şəkildə dünyasını dəyişib. Məhkəmə-tibbi ekspertizasının nəticələrinə görə, 54 yaşlı aktyorun ölümünə ketamin istifadəsinin kəskin təsirləri, həmçinin digər amillər, o cümlədən ürək-damar problemləri səbəb olub. Serialın yaradıcıları və onun həmkarları, onun istedadı və xeyirxahlığına görə dərin hörmət, kədər və minnətdarlıq ifadə ediblər. Onun ölümü kult sitkomun pərəstişkarlarını da dərin sarsıdıb.