"Ermənistan
hakimiyyəti xalqı müvəqqəti sakitləşdirməyə çalışır".
Bunu Qaynarinfo-ya açıqlamasında hərbi ekspert Emin Həsənli Ermənistan Müdafiə
Nazirliyinin nümayəndəsi Harsun Hovvanisyanın "Azərbaycanla Türkiyəni
sürprizlər gözləyir" mesajından danışarkən deyib. Onun sözlərinə görə, Ermənistan
məğlub olub, ona görə də ağıllarını itirib:
"Nə
etdiklərini, nə danışdıqlarını belə bilmirlər. Ağılları olsaydı, belə bir vəziyyətə
düşməzdilər. Ona görə də cəmiyyətlərini və tərəfdarlarını sakitləşdirmək üçün
belə yollardan istifadəyə əl atıblar".
Emin Həsənli
qeyd edib ki, Azərbaycan Dövlət Təhlükəsizlik Xidməti müharibə başlayandan bu
günə kimi əhaliyə hər hansı bir terrorun ola biləcəyi ehtimalıyla bağlı xəbardarlıq
edib:
"Dövlətimiz
də onların pozucu fəaliyyətini nəzərə alıb, onlar heç bir hüquq tanımırlar,
terror törədə bilərlər. Ona görə də Azərbaycan dövləti ehtiyat tədbirlərini
görüb. Onların ağlı yoxdur, 2 milyonluq xalq 83 milyonluq, dünyanın böyük bir
dövlətlərindən olan Türkiyəyə nə edə bilər? Türkiyə dünyanın ən güclü ordusuna
malikdir. Nə edə bilər Türkiyəyə? Onlar uzun illər erməni xalqını aldatmışdılar.
Xalqa söyləyiblər ki, Azərbaycanın güclü ordusu yoxdur. İndi onlar Azərbaycanın
güclü ordusunun olduğunu görürlər. Xalqa cavab verə bilmirlər. Xalq sual edir
ki, hanı sizin güclü odrdunuz? Ona görə Azərbaycanın güclü ordusu olduğunu qəbullana
bilmirlər. Və Türkiyə guya Azərbaycanla bərabər döyüşür".
Hərbi
ekspert hesab edir ki, Ermənistan hakimiyyəti özünə haqq qazandırmaqla ömürünü
uzatmağa çalışır:
"Amma
bunlar yalandır. Bütün torpaqlar yaxın vaxtda azad olunub, üçrəngli bayrağımız
Şuşada, Xankəndində dalğalanacaq. Ardınca daErmənistan böyük dövlət böhranı yaşayacaq. Ermənistan uzun müddət özünə
gələ bilməyəcək".
Bahar
Rüstəmli
