"Hazırkı
vəziyyətdə ermənilərin ağılı olsa, təslim olmaq barəsində bizə mesaj göndərərlər”.
BunuQaynarinfo-ya açıqlamasında politoloq Elxan Şahinoğlu deyib. Politoloq hesab
edir ki, dövlət başçısı İlham Əliyevin dediyi şərtləri qəbul eləsələr,
danışıqlar masasına oturmaq mümkündür:
"Biz
artıq 5 rayonu azad etmişik. Ermənistan yerdə qalan rayonların boşaldılması ilə
bağlı qrafik verməlidir. Yalnız bu halda masa reallaşa bilər. İnanmıram ki, ermənilər
buna gedə. Amma məğlubiyyətlə üz-üzədirlər. Şuşanın əldən getməsi onlar üçün
böyük zərbədir. Biz artıq Xankəndinə nəzarət edə biləcəyik, həm də Ermənistanla
Dağlıq Qarabağ yolu bizim nəzarətimizdədir”.
Elxan
Şahinoğlu bildirib ki, noyabrın 8-də Rusiya ilə Türkiyə prezidentlərinin
arasında telefon danışığı olub:
"Türkiyə
hökumət nümayəndələri Bakıda rəsmi səfərdə olub. Ola bilsin, Rusiya vasitəsi ilə
Ermənistan bizə mesaj göndərib. Sülhməramlılar məsələsi yenə gündəmə gələ bilər.
Amma bu da mümkün deyil. Birincisi, Dağlıq Qarabağda erməni əhalisi qalmayıb.
Hansı sülhməramlılardan söhbət gedə bilər? Sülhməramlılar olsa-olsa, hər iki tərəfdən
Rusiya Ermənistan, Türkiyə isə Azərbaycan tərəfindən sərhəddə dayanmalıdır.
Amma bunların Dağlıq Qarabağda dayanmasının əleyhinəyəm. Şərtlər dəyişib. Buna
baxmayaraq, Azərbaycanın şərtlərini qəbul edirlərsə, danışıqlar masası mümkündür”.
Bahar
Rüstəmli
